ప్రపంచ సినీ చరిత్రలో సంచలనం సృష్టించిన దర్శకుడు జేమ్స్ కామెరూన్ రూపొందించిన ‘అవతార్’ సిరీస్లో మూడవ భాగం ‘‘అవతార్: ఫైర్ అండ్ యాష్’’ (Avatar: Fire and Ash) నుంచి సరికొత్త, అద్భుతమైన ట్రైలర్ విడుదలైంది.
ఈ ట్రైలర్ తెలుగు వెర్షన్ కూడా అందుబాటులోకి రాగా, పండోరా ప్రపంచాన్ని ప్రేమించే తెలుగు ప్రేక్షకులకు విజువల్ ట్రీట్ ఇచ్చింది.
Avatar 3 Telugu Trailer
'ది వే ఆఫ్ వాటర్' (The Way of Water) లో సముద్ర గిరిజనులను (Metkayina) చూపించిన కామెరూన్, ఈసారి ‘యాష్ పీపుల్’ అనే కొత్త నవీ తెగను పరిచయం చేశారు. వీరు అగ్నిని ఆరాధించేవారుగా, అత్యంత భయంకరమైన సైకోపాతో ఉంటారు. వీరే పండోరాకు అతిపెద్ద ముప్పుగా మారినట్లు ట్రైలర్ చూస్తే అర్థం అవుతోంది. జేక్ సుల్లీ (Jake Sully) కుటుంబం, ముఖ్యంగా నేటిరీ (Neytiri), తమ కుమారుడు నెటియమ్ మరణం తర్వాత పడే వేదన, దుఃఖం ఈ భాగంలో కీలకంగా మారనుంది. కుటుంబ బంధాల మధ్య పెరిగిన ఉద్రిక్తతలను ట్రైలర్ ఎమోషనల్గా చూపించింది.
ట్రైలర్లో చూపించిన అగ్ని పర్వత ప్రాంతాలు, పగటిపూట మెరిసే లావా ప్రవాహాలు, అంతకుముందెన్నడూ చూడని కొత్త జీవులు ప్రేక్షకులను అబ్బురపరిచాయి. జేమ్స్ కామెరూన్ మరోసారి తన విజువల్ గ్రాండియర్తో ప్రేక్షకులను మంత్రముగ్ధులను చేయడం ఖాయమనిపిస్తోంది. ఈ విజువల్ వండర్ ప్రపంచవ్యాప్తంగా ఈ ఏడాది డిసెంబర్ 19న విడుదల కానుంది. తెలుగుతో పాటు హిందీ, తమిళం, కన్నడ, మలయాళ భాషల్లోనూ విడుదల కాబోతున్న ఈ చిత్రం కోసం భారతీయ సినీ ప్రేక్షకులు ఎంతో ఆసక్తిగా ఎదురుచూస్తున్నారు.