ఏంటో సాయంత్రం వరకూ ఏం వెయిట్ చేస్తాంలే.. ఉదయాన్నే హాట్ స్టార్‌లో సీరియల్‌ని చూసేయొచ్చు అనుకున్న ప్రేక్షకులకు నిరాశ తప్పడం లేదు. మరి బిగ్ బాస్ ఎఫెక్టో ఏమో కానీ.
హాట్ స్టార్‌లో సీరియల్స్ ఆలస్యం అవుతూనే ఉంది. ఈరోజు (ఆగస్టు 30) ఎపిసోడ్ కూడా స్ట్రీమింగ్ కాకపోవడంతో ప్రేక్షకులు అసహనానికి గురౌతున్నారు.
ఇదిలా ఉంటే.. 'ఇల్లు ఇల్లాలు పిల్లలు' సీరియల్ రెండో సెంచరీని క్రాస్ చేసి.. నిన్నటితో 250 ఎపిసోడ్‌కి ఎంటర్ అయ్యింది. ఒక మంచి కథకి తగ్గ పాత్రలు దొరికితే సీరియల్‌కి తిరుగుఉండదు అనేదాన్ని మరోసారి నిజం చేసింది ఇల్లు ఇల్లాలు పిల్లలు సీరియల్. రామరాజు, వేదవతి, నర్మద, ప్రేమ, ధీరజ్, సాగర్, చందు, శ్రీవల్లి, భాగ్యం, ఆనందరావు, తిరుపతి, భద్రావతి, సేనాపతి, విశ్వక్ ఇలా సీరియల్‌లో కనిపించే ప్రతి పాత్రా కూడా ఆడియన్స్‌ని కట్టిపడేసేట్టుగానే ఉంది. అందుకే ఈ సీరియల్‌కి అనూహ్య రీతిలో స్పందన లభిస్తోంది.
రామరాజుగా బుల్లితెర మెగాస్టార్ ప్రభాకర్ ఈ సీరియల్‌కి కథానాయకుడు కాగా.. వేదవతిగా వెండితెర స్టార్ హీరోయిన్ ఆమని బుల్లితెరపైకి అడుగుపెట్టింది. ప్రభాకర్, ఆమని జోడీ ఈ సీరియల్‌కి మెయిన్ పిల్లర్‌గా నిలిచింది. చాలా మంది సీరియల్ జంటల్ని చూసి బుల్లితెర ప్రేక్షకులకు బోరింగ్ అనిపించడంతో.. తొలిసారి ఆమని, ప్రభాకర్‌లో జోడీ కట్టడంతో చాలా ఫ్రెష్‌గా అనిపించింది. కేవలం చూడ్డానికి మాత్రమే కాదు.. వీళ్ల యాక్టింగ్ అద్భుతహ అనేట్టుగానే ఉంది.
దర్శకుడు సీన్ చెప్తే చాలు.. చింప అవతల పడేసే పెర్ఫామెన్స్‌తో ఒకరితో ఒకరు పోటీపడుతున్నారు. అంటే అన్నానని అంటారు కానీ.. అంటూ వేదవతి అత్త అయితే అద్దరగొట్టేస్తుంది. ఇక ప్రభాకర్ నటన గురించి ప్రత్యేకించి చెప్పాల్సిన పనిలేదు. అతనో బుల్లితెర మెగాస్టార్ అంతే. గతంలో ఇలాంటి తరహాలో వదినమ్మ సీరియల్ కూడా చేసి ఉండటంతో ప్రభాకర్‌కి రామరాజు పాత్రను పండించడం పెద్ద కష్టం కావడం లేదు.
ఇక ఈ సీరియల్‌లో మరో సూపర్ పెర్ఫామర్ అంటే నర్మద. ఈ పాత్రను అన్షురెడ్డి అద్భుతంగా పోషిస్తుంది. ఇంతకుముందు వరకూ అన్షురెడ్డి చేసిన పాత్రలో ఓలెక్క.. ఈ పాత్ర మరో లెక్క అన్నట్టుగా ఈ గవర్నమెంట్ కోడలు యాక్టింగ్ చింపేస్తుంది. సాగర్‌కి తగ్గ భార్యగా.. గడుసరి కోడలిగా.. ప్రేమకి అండగా నిలిచే అక్కగా.. ధీరజ్ కష్టంలో తోడుగా నిలిచే వదినగా.. శ్రీవల్లి ఆట కట్టించే మాస్ మహారాణిలా నర్మదలో అన్ని కళల్నీ, మల్టీ షేడ్స్‌ని చూపిస్తూ నర్మద అనే పేరుకి తగ్గట్టుగానే నటనను నదిలా ప్రవహింపజేస్తుంది నర్మద అలియాస్ అన్షురెడ్డి. సాగర్‌తో జోడీ మొదట్లో కాస్త డామినేటింగ్‌గా ఉండేది కానీ.. చూడగా.. చూడగా.. అలవాటైపోయింది. సాగర్ బాగానే లైన్‌లో పడ్డాడు. ఈ మధ్య రొమాన్స్ విషయంలో నర్మదతో గట్టిగానే పోటీపడుతున్నాడు.
ఇక ధీరజ్-ప్రేమల జోడీ కూడా భలే క్యూట్‌గా అనిపిస్తుంది. నిజానికి ఈ పాత్రలు వేరే వాళ్లు చేసి ఉంటే.. బోరింగ్ అనిపించేది. పదే పదే అవే సీన్లు.. కొట్టుకోవడం తిట్టుకోవడం.. తప్ప ఏమీ ఉండవు కాబట్టి.. ఇవన్నీ బోరింగ్ ఫ్యాక్టర్సే. కానీ బోరింగ్ సీన్లు వినోదంగా అనిపిస్తున్నాయంటే.. వీళ్ల జోడీ బాగా సెట్ అవ్వడమే. జనానికి నచ్చడమే. వాళ్లని చూస్తే నిజంగానే కొత్తగా పెళ్లైన జంటలాగే కనిపిస్తుంటారు.
ఇక మన అగ్గిపుల్ల కోడలు శ్రీవల్లి.ఈమె స్క్రీన్‌పై కనిపిస్తే చాలు.. టీవీల ముందున్న వాళ్లు అమ్మనా బూతులు తిడుతున్నారంటే.. ఒక నటికి అంతకంటేఏం కావాలి. తనకి ఇచ్చిన పాత్రలో పరకాయ ప్రవేశం చేసిందని చెప్పడానికి. ఏ మాటకామాటే కానీ.. కన్నింగ్ కోడలు పాత్రలో శ్రీవల్లి తప్ప వేరే వాళ్లని ఊహించుకోలేం. ఈమె బయటకూడా ఇలాగే ఉంటుందా? అన్నంతగా శ్రీవల్లి పాత్రలో ఒదిగిపోయింది. ఇక శ్రీవల్లి తల్లిదండ్రులుగా నటిస్తున్న భాగ్యం, ఆనందరావులు అయితే పెర్ఫామెన్స్ ఊచకోతే. వాళ్లిచ్చే హావభావాలు మామూలుగా ఉండవు. ఆ ఇడ్లీగాడైతే నవ్వించడం కోసం దేనికైనా సిద్ధం అనేట్టుగానే ప్రాణం పెట్టేస్తున్నాడు. మెయిన్ లీడ్స్ అన్నీ కూడా.. అద్భుతంగా నటిస్తుండటంతో ఈ సీరియల్ టాప్ రేటింగ్‌తో దూసుకుని పోతుంది. ఇదే జోరు ముందు ముందు చూపించబోతుందనడంలో ఎలాంటి సందేహం.