హోంబలే ఫిల్మ్స్ నిర్మించిన 'మహావతార్ నరసింహ' అనే యానిమేటెడ్ బాక్సాఫీస్ రికార్డులు బద్దలు కొడుతోంది. అతి తక్కువ బడ్జెట్ తో తెరకెక్కించిన ఈ చిత్రం
ఇప్పటికే 300 కోట్లకు పైగా వసూళ్లు సాధించింది. ఇలాంటి వసూళ్లు వస్తాయని బహుశా నిర్మాతలు కూడా ఊహించి ఉండరేమో! మహా విష్ణువు నాలుగో అవతారం నేపథ్యంతో తెరకెక్కిన ఈ మూవీ ఓటీటీ రిలీజ్ కోసం సినీ అభిమానులు ఆసక్తిగా ఎదురు చూస్తున్నారు. అయితే ఈ కు ఏ మాత్రం తగ్గకుండా ఒక మైథాలజీ యానిమేటెడ్ వెబ్ సిరీస్ OTTలో అందుబాటులో ఉంది. IMDBలో ఈ సిరీస్ కు 9.1/10 రేటింగ్ ఉండడం విశేషం. ప్రముఖ ఓటీటీ ప్లాట్ ఫామ్ జియో హాట్ స్టార్ లో ఈ సిరీస్ స్ట్రీమింగ్ అవుతోంది. ఈ సిరీస్ మొదటి సీజన్ 2021లో రిలీజ్ కాగా, ఇప్పటివరకు మొత్తం ఆరు సీజన్లు స్ట్రీమింగ్ కు వచ్చాయి.
ప్రస్తుతం ఓటీటీలో అత్యుత్తమ యానిమేటెడ్ సిరీస్‌గా ప్రశంసలు పొందిన ఈ వెబ్ సిరీస్ పేరు 'ది లెజెండ్ ఆఫ్ హనుమాన్'. రామాయణం నేపథ్యంలో తెరకెక్కిన ఈ సిరీస్ మొత్తం హనుమంతుడి చుట్టూ తిరుగుతుంది. ఇప్పటివరకు ఈ సిరీస్ లో వచ్చిన అన్ని సీజన్స్ సూపర్ హిట్ గా నిలిచాయి. ఓటీటీలో రికార్డు వ్యూస్ తెచ్చకుకున్నాయి. మహావతార్ నరసింహా తరహాలో 'ది లెజెండ్ ఆఫ్ హనుమాన్' లోనూ విజువల్ ఎఫెక్ట్స్
హై రేంజ్ లో ఉన్నాయి. ఈ సిరీస్‌ను శరద్ దేవరాజన్, జీవన్ జె. కాంగ్ చారువి అగర్వాల్ రూపొందించారు ఆరు సీజన్లకు సూపర్బ్ రెస్పాన్స్ రావడడంతో ఈ వెబ్ సిరీస్ ఏడవ సీజన్ కోసం మేకర్స్ సన్నాహాలు ప్రారంభించారు. త్వరలోనే దీనిపై ఓ అప్డేట్ రానుంది.
ది లెజెండ్ ఆఫ్ హనుమాన్ సిరీస్ లో ఇప్పటివరకు మొత్తం ఆరు సీజన్లు స్ట్రీమింగ్ కు వచ్చాయి. అలాగే ఓవరాల్ గా 52 ఎపిసోడ్స్ అందుబాటులో ఉన్నాయి. మహావతార్ నరసింహా ఓటీటీలోకి వచ్చే వరకు ఈ సిరీస్ ను చూసేయండి మరి..
జియో హాట్ స్టార్ లో స్ట్రీమింగ్.. తెలుగులోనూ చూడొచ్చు..