ద్వాపరమంతా సవతుల సంత
జ్ఞాపకముందా గోపాలా
కలియుగమందు ఇద్దరి ముందు
శిలవయ్యావే శ్రీ లోల
కాపురాన ఆపదలను యిదిన శౌరి
ఏది నాకు చూపవా ఒక దారి
నారి నారి నడుమ మురారి
నారి నారి నడుమ మురారి
ఇరువురు భామల కౌగిలిలో స్వామి
ఇరుకున పడి నీవు నలిగితివా
ఇరువురు భామల కౌగిలిలో స్వామి
ఇరుకున పడి నీవు నలిగితివా
వలపుల వానల జల్లులలో స్వామి
తలమునకలుగా తడిసితివా
చిరుబురులాడేటి శ్రీదేవి
నీ శిరస్సును వంచిన కథ కన్నా
రుసరుసలాడేటి భూదేవి
నీ పరువును తీసిన కథ విన్నా
గోవిందా గోవిందా గోవిందా
సాగిందా జోడు మద్దెల సంగీతం
బాగుందా భామలిద్దరి భాగోతం
ఇంటిలోన పోరంటే
ఇంతింత కాదయా
అన్నాడు ఆ యోగి వేమన
నా తరమా
భవసాగరమీదను
అన్నాడు కంచర్ల గోపన్న
పరమేశా గంగ విడుము
పార్వతి చాలున్
ఆ మాటలు విని ముంచకు
స్వామి గంగన్
ఇంతులిద్దరైనప్పుడు
ఇంతే గతిలే
సవతుల సంగ్రామంలో
పతులది వెనకడుగే
ఇంతులిద్దరైనప్పుడు
ఇంతే గతిలే
సవతుల సంగ్రామంలో
పతులది వెనకడుగే
ఇరువురు భామల కౌగిలిలో స్వామి
ఇరుకున పడి నీవు నలిగితివా
భామ కాలు తాకిందా
కృష్ణుడే గోవిందా
అన్నాడు ఆ నంది తిమ్మన
ఒక మాట ఒక బాణం
ఒక సీత నాదని
అన్నాడు సాకేత రామన్న
ఎధునాధా భామ విడుము
రుక్మిణి చాలున్
రఘునాధ సీతను గొని
విడు సూర్పనఖన్
రాసలీలలాడాలని
నాకు లేదులే
భయభక్తులు ఉన్న భామ
ఒకతె చాలులే
రాసలీలలాడాలని
నాకు లేదులే
భయభక్తులు ఉన్న భామ
ఒకతె చాలులే
ఇరువురు భామల కౌగిలిలో స్వామి
ఇరుకున పడి నీవు నలిగితివా
వలపుల వానల జల్లులలో స్వామి
తలమునకలుగా తడిసితివా
గోవిందా గోవిందా గోవిందా