- Movie: Shuba Lagnam
- Song: Poruginti Mangala
పొరుగింటి మంగళ గౌరీ వేసుకున్న గొలుసు చూడు
ఎదురింటి పిన్ని గారి కాసులపేరు చూడు
ఇరుగు పొరుగువాళ్ళు భలే బాగుపడ్డారు
నాగా నట్రా టీవీ గట్రా కొనుక్కున్నారు
మనకు మల్లె ఎవరు ఉన్నారు
ఉసూరంటూ ఇలా ఎన్నాళ్ళు
మన బతుకేమో ఇట్టా తగలబడింది
ఎక్కడ వేసిన గొంగళి అక్కడే ఉంది
పక్కవాళ్ళ పాడుగొల పట్టించుకోవద్దే
పొరుగింటి పుల్లకూర తెగ మెచ్చుకోవద్దే
నెత్తిని పెట్టుకు చూసే మొగుడు నీకు ఉన్నాడే
అందని పళ్లకు అర్రులు చాచి అల్లరిపాడొద్దే
మనకి లేక అదో ఏడుపా
పరులకుంటే మరో ఏడుపా
ఎందుకే ఇట్టా రోజు మెదడు తింటావు
ఇంటిగుట్టంతా వీధిన పెట్టుకుంటావు
కాంతమ్మ గారు కట్టే చీర ఖరీదైన లేదే పాపం తమ జీతం
నేత చీర కట్టుకున్నా కొట్టవచ్చేటట్టు ఉందే అందం నీ సొంతం
ఉత్తి మాటలెన్ని అన్నా నా సరదా తీరదుగా
ఉన్నదానితోనే మనం సర్దుకుంటే మంచిదిగా
కట్టుకున్నదాని సంబరం తీర్చడమే పురుష లక్షణం
సంపదలోనే లేదు సంతోషం చంపకే నన్ను నీ డాబుకోసం
పొరుగింటి మంగళ గౌరీ వేసుకున్న గొలుసు చూడు
ఎదురింటి పిన్ని గారి కాసులపేరు చూడు
ఫలానా వారి మిస్సెసెంటు అంతా మెచ్చుకుంటే
మీకే గొప్ప కాదా
ఆ బోడి పదవికాని అప్పో తప్పో చెయ్యమంటే
ఊళ్ళో పరువు పోదా
కానీకి కొరగాని పరువూ ఓ పరువేనా
మగాణ్ణి తూచేది వాడి పర్సు బరువేనా
డబ్బులేని దర్పమెందుకు
అయ్యో చేతకాని శౌర్యమెందుకు
నీకు మొగుడయే యోగ్యత మనిషికి లేదే
ఇనప్పెట్టెనే వరించి ఉండాల్సిందే
పొరుగింటి మంగళ గౌరీ వేసుకున్న గొలుసు చూడు
ఎదురింటి పిన్ని గారి కాసులపేరు చూడు
ఇరుగు పొరుగువాళ్ళు భలే బాగుపడ్డారు
నాగా నట్రా టీవీ గట్రా కొనుక్కున్నారు
మనకి లేక అదో ఏడుపా
పరులకుంటే మరో ఏడుపా
మన బతుకేమో ఇట్టా తగలబడింది
ఎక్కడ వేసిన గొంగళి అక్కడే ఉంది
ఎందుకే ఇట్టా రోజు మెదడు తింటావు
ఇంటిగుట్టంతా వీధిన పెట్టుకుంటావు